Ye online chat box bhi bada ajeeb sa hai,
Na ye samjhta green dot ke idhar kya hai,
Or na ye samjhne deta, green dot ke udhar kya hai,
Waha msg ka wait ho rha hai,
Ya type, kisi or ke liye…
Sach me ajeeb hai na,
Kisi se online baatien krna,
Ye pta hi nhi hota, ki wo tumse baat kr rha hai,
Ya buss wo tumse baat kr rha hai…
Or baato ke matlab bade bade hote hai,
Or haqikat, us chat box jitni choti…
Na baad me wo baat yaad rehti,
Or shayad na baat krne waala…
Kuki din badalte hai, chat box ke udhar chat krne waale dil badalte hai,
Lekin ek baat common rehti hai, pta hai kya?
Chat box, chat box ki green dot, jise na idhar ka pata hota…
Or na udhar ka…
Ajeeb hai na…
Mai aksar use online dekh ke msg kr diya krta tha…
Ye soch ke, ki usse pehle mai hi kr du…
Or fir kyu na sochta, usko online aaye aadha ghantta hone ko aya tha,
Shuru ke kuch minutes to socha, ki post read kr rhe honge…
Shayad thodi der baad free hoke msg aayga…
Meri aakhon ke saamne ek chota sa chat box khula hua tha…
Jiske top left side pr ek green dot thi…
Ye pehli dafa nhi tha, ki us chat box ke us side se koi msg nhi aaya ho, green dot ke hote hue…
Aisa laghbhag baar baar hona shuru hogya tha,
Or mai samjh nhi paa rha tha… Ki akhir, green dot ke udhr, msg ka wait ho rha hai, ya type…
Or agar type ho rha hota… typing status to show krta,
Lekin agle din bhi maine hi msg kr diya,
Mai bechain hu na… Ye bhi mujhe saamne waale insaan se pata chala…
Jiske liye bechain hota tha, ab wo sawaal puchta hai, ki mai itna bechain kyu hu…
Or mujhe uske is sawaal ke jawaab me buss uski aakhen, uski baatien, usse mohabbat yaad aati thi…
Jis jawaab se shayad wo insaan ab thoda kam khush rehne laga tha,
Fir dhere dhere green dot ke us paar se msg aane jaise bandd se ho gye…
Or green dot ke is taraf ek alag hi toofaan shuru,
Jis toofan ko na tehrna aata hai, or na shayad kisi ko barbaad krna,
Fir ek din hua yu, ki wo chat box naraaz ho gya…
Or chala gya mere shehar se, na wo green dot dikhaayi deti, jise kuch nhi pta tha, lekin jisko dekh ke mai bechain to hota tha…
Ab us green dot ki yaad bhot aati hai,
Kam se kam, wo shehar me to tha…
Shayad block kr diya hai, chat box ke us side rehne waale insaan ne…
Shayad, din badle, dil badal gye…
Shayad, chat box ki baatien, chat box jitni choti ho gyi…
Shayad green dot, naraaz ho gyi…
0 Comments